Хийж байгаа ажлаа хэрхэн удаашруулахгүй, хурдан хийж дуусгах вэ?

Хүн өөрийн зорилго, мөрөөдөл, хүслээ бусниулах олон зүйлсийг хийж байдаг. Удаашрал бол хамгийн том алуурчин. Хүн удааширсанаар өөрийн амжилтын замд хаалт тавьж эхэлдэг.

1. Өндөр шаардлага тавихаас сэргийл.
“ Бараг л дуусчихлаа. Гэхдээ арай л….. Дараа долоо хоногт дахиад жоохон хийчихье дээ” .
Ямар сонсогдож байна? Хэт өндөр шаардлага удаашралыг бий болгодог. Энэ бол ажлыг хойш тавихад өөрийгөө зөвтгөх маш амархан арга болдог.
Мөн хүн ямар нэг зүйлд бэлдэхдээ бэлдэх процессд хэт их анхаарах аваас хэзээ бэлдэж дуусахаа мэдэхээ больдог ба яг хэзээ ажлаа хийж эхлэхээ мэддэггүй юм.

2. Яг одоо эхэл.
Өөрийгөө бэлэн байгаа эсэхээ мэдэх хамгийн зөв арга бол яг одоо эхлэх. Хэрвээ эхлээд ямар нэг зүйл нь болж өгөхгүй байвал өөрчилөөд үз. Энэ бол жинхэнэ үйл явц юм.
Хүн ихэнхдээ сайхан цаг үе, зөв цагийг хүлээсээр хайран цагаа үрж орхидог. Гэтэл үнэндээ хэзээ ч зөв цаг, тохиромжтой цаг гэж байдаггүй, харин хүн өөрөө тохиромжтой цаг үеийг бий болгодог гэнэ. Тэгэхээр цаг алдахаа зогсоогоод, одооноос эхэл.
Үйлдэл хийсэн цагт л үйл явдал өрнөдөг шүү дээ. Тиймээс зорилгоо тодорхойлоод, зорилгодоо хүрэх алхамуудыг гаргаад шууд хийж эхэл. Нэгэнт эхлэх аваас зогсож чадахгүй л болов уу.

3. Өдөр бүр 3 алхамыг хийж бай.
Заримдаа зарим зүйлс хийхэд хэт хэцүү санагдсанаар хийж эхлэхээс халширдаг шүү дээ. Тэгэхээр хэцүү санагдаад байгаа ажлаа энгийн хэдэн алхам болгон хуваа.
Тэгээд өдөрт ердөө 3 алхамыг нь л хийж амжуул. Ингэснээр та долоо хоногт 21 алхам, сард 84 алхамыг хийсэн байх болно. Та ихийг хийх тусам ажил тань хурдан, бас амархан дуусах болно.