Хэрхэн өнөөдрөө дурсамжтай өнгөрөөх вэ?

Хэн ч өнгөрсөнрүү явж шинэ эхлэлийг бий болгож чадахгүй, харин өнөөдөр шинээр эхэлж, шинэ төгсгөлийг бий болгож болдог.

Өчигдөр замхран алга болж, харин маргааш төсөөллийн үр дүнгээр бүрэлддэг. Тэгэхээр өнөөдөр бол таны амьд байгаа цор ганц өдөр юм. Өнөөдөр бол хамгийн чухал өдөр.

Харин хэрхэн өнөөдрөө дурсамжтайгаар өнгөрөөх вэ?

• Ямар нэг шинэ зүйлийг оролдоод үз. Аливаа зүйлийг сая удаа хийж болох ч анх удаа хийдэг нь ганц удаа юм. Тэгэхээр анхны мэдрэмж, анхны гэсэн зүйлс хамгийн их дурсамжийг дагуулж байдаг. Тиймээс шинэ зүйлийг оролдоод үзээрэй.

• Өөрийн үзэж өнгөрүүлсэн туршлагаараа өөрийгөө хөгжөөгөөрэй. Сайхан дурсамжууд мэдээж амьдралын сонирхолтой үйл явдлаас бүрэлддэг. Тиймээс танд гэж зөвлөхөөд твгээ унтраагаад гадагшаа гар. Хорвоо дэлхийтэй танилц, өөрийнхөө хувьд шинэ нээлтүүдийг хий. Амьдралаас тань өгөж болох бүх зүйлсийг хүртэхийн тулд хичээ. Тэгээд амьдрал танд ямар зүйлсийг санал болгохыг хараарай.

• Таны хувьд хамгийн утга учиртай гэсэн зүйлийг хий. Та өөрийгөө таны хувьд хамгийн утга учиртай гэсэн зүйлстэй холбо. Эсвэл урт хугацааны турш хийхийг хүсэж, бодож ирсэн зүйлээ хий. Амьдрал богино гэдгийг санаарай. Өнөөдөр л алхам хийх нь чухал.

• Өөрийгөө сорь. Шинэ зүйлийг сур. Бүтээлч бай. Жижиг байсан ч хамаагүй ямар нэг зүйлийг хийж бүтээ. Өөрийн чадвар чадлаа сорь. Жишээ нь өөрийгөө хэр хурдан гүйж чадахаа хар. Хязгаарлалтыг эвд.

• Бага зүйлдээр төвлөр, харин өөрийн бүх хүчээ зориул. Тайвшир. Өөрийн хийж буй зүйлдээ анхаар. Олон зүйлсэд бус үнэхээр чухал гэсэн хэсэгхэн зүйлсэд л төвлөр. Яг тухайн өдөртөө өөрийгөө бүрэн холбож сур.

• Олдсон боломжуудад хэзээд “Тийм “гэж хэл. Амьдралын бүх зүйлсийг төлөвлөж болдоггүй. Зарим боломжууд таныг бэлэн биш байхад, төлөвлөөгүй байхад гарч ирдэг. Энэ үед та уян хатан байх хэрэгтэй. Зүгээр л тийм гэж хэл.

• Дуусгаагүй ямар нэг зүйлээ хийж дуусга. Өнөөдөр бол эхэлсэн зүйлээ дуусгахад хамгийн тохиромжтой цаг. Удаан хугацааны турш мөрөндээр тань байсан зүйлс арчигдах үед сайхан мэдрэмж төрдөг шүү дээ.

• Өнөөдрөө дурсах хамгийн зөв арга бол зураг дарах. Олон зурагнуудыг дар. Тэмдэглэл хөтөл. Ингэснээр та дараа нь энэ өдрийг дурсаж чадна.

• Инээ, эерэг бай. Амьдралд тохиолдох зүйлс сайн ч биш, муу ч биш байдаг. Энэ бүхэн ердөө таны хандлагаас хамаарна. Ямар ч зүйл тохиолдсон бай, болдог зүйл болоод л өнгөрдөг шүү дээ. Та хожино эсвэл алдаанаасаа суралцана шүү дээ. Тиймээс аливаа зүйлд эерэгээр хандах хэрэгтэй.

• Өөрөө өөртөө үнэнч бай. Хэн нэгний 2дах хувилбар байснаас өөрөө өөрийнхөө оригнал хувилбар бай. Хэрвээ та өөрөө өөрөөрөө амьдрахгүй бол жинхэнэ утгаараа амьдрахгүй байгаа хэрэг шүү дээ. Жинхэнэ утгаараа амьдрахгүй байх аваас хэрхэн дараа нь дурсах билээ.

• Хэрэгтэй хүнд нь тус бол. Амьдралд та өгж байгаа зүйлээ авдаг. Та хэн нэгний амьдралд эерэг зүйлийг хийх аваас таны амьдрал эргээд эерэг болдог. Хэн нэгэнд аз жаргал өгсөн өдөр таны хувьд болоод тухайн хүний хувьд мартагдашгүй байх болно.

• Шинэ найзтай бол. Хүн гэдэг маш гайхалтай, сонирхолтой зүйлс. Тиймээс шинэ хүмүүстэй уулз, танилц. Юу тэднийг сонирхолтой болгоод байгааг ол. Тэд таны нүдийг нээж, алсын харааг тань хөгжүүлэх болно. Магадгүй тэд таны амьдралыг өөрчилж ч болох юм.

• Ямар нэг хөгжилтэй зүйлийг хий. Хөгжилтэй өнгөрсөн мөчүүд хамгийн тод санагддаг шүү дээ.
• Одоогоороо амьдар. Битгий амьдралын нэг өдрөө хэрэггүй өнгөрөөгөөрэй. Өнгөрсөнөө зүхэж, маргаашдаа санаа зовож байхаар өнөөдөртөө л амьдар